جودي
عدد المساهمات : 111
تاريخ التسجيل : 04/05/2010
 |  موضوع: ورقة من مذكرات مصرية مقيمة بالخليج ( مشكلة زواج المغتربين)  الأربعاء مايو 05, 2010 1:44 am | |
| ورقة من مذكراتي في الخليج
.
موضوع من أكتر المشاكل الى بتواجة الشباب في الغربة
.
مشكلة جواز المغتربين.
هتفولولي ليه هقولكم ليه . .
في مصر عندك إمكانية تختار وتنقى وتشرط ماهو...
كل اللي حواليك من بلدك ومعارفك لأ وعارف أصلهم وفصلهم لكن في الغربة
الواحد مابيصدق يلاقي طيف مصري ويترمي في حضنه
.
أي بنت هناك مفيش قدامها إلا 3 خيارات للجواز...!ا
الخيار الأول
الجواز من مصري.. . لكن لأ لأ دة مش أي مصري ماهى المصيبة إن معظم( ومش كل طبعا المصريين) الي بيروحوا الدول العربية جايين عشان مش لاقين شغل في مصر ما هو لو كان مستواه كويس هيتغرب ليه ويسيب بلده وأهله
. . .
أول صدمات عرسان الغربة
البخل والتحويش
بادئ ذي بدئ كدا بتلاقيهم متساويين في موضوع البخل والتحويش وكأنها قاعدة إجتماعية . . أول حاجة بتقابلنا علبة الجاتوه والي طبعا من المحلات الي عليها عرض خذ قطعة وعليها قطعة مجانا
أو تاكله وسنانك تقع بعدها
وبنقول معلش مجاتش على الجاتوه طبعا مش هنصغر دماغنا
. .
تاني حاجة إن كل الي بيجى الدول العربية عندهم عادة وطبع فظيع قال إيه؟؟
لازم يشتروا حتة أرض ويبنوا عليها للأقارب والي يعز عليهم حتى لو كانت 50 متر هيبنى عليها برضة برج عالي .
وكل عريس يجى يقول أنا يا عمى راتبي ما شاء الله الفين ولا تلاتة وناوى بس أبعت حاجة بسيطة كدا للعائلة وأجهز أخواتي البنات وأبني ؟؟ طيب أهله على العين والرأس لكن إزاى ؟؟؟؟؟؟؟؟؟. .المشكلة أنهم بيقعدوا هنا في شقة كدا على الأقد ومش متجهزة من كله لأنها طبعا على كلامهم مش بيتهم الأساسي وكل واحد يقول هنزل لما أخلص بنى إن شاء الله المهم كلهم في النهاية مبينزلوش إلا على خشبة؟
. .
.أنت منين يابني ؟؟؟
من أرض الله يا عمي .المعضلة بقى الأساسية إن ماحدش يعرف أصل حد يعنى ممكن يكون عامل عاملة وجاي ، هتسأل مين يا حسرة ده جاى لوحدة لا عائلة ولا صحاب يعنى مفيش قدامك إلا إنك تصدقة بس تخليه طبعا يحلف على مصحف!! أو تعمل زى أبو(ر.ن) صحبتنا الله يمسيها بالخير بعد ما أطلقت مرتين المرة التالتة أبوها مكدبش خبر ونزل على قسم الشرطة في مصر يسأل إن كان ليه ملف ولا سوابق (بجد)والمهم الموضوع مشي ولله الحمد..... ودي بقى الحالة الأولى!!
. .
الحالة الثانية:
جوازة من أهل البلد وطبعا هتبقى الثانية أو الثالثة لأنه بنت عمهم لازم تكون الأولى والأساس وبعد كدة يحلي .حقهم برضوا..
مرة شافتنى واحدة منهم في فرح راحت وبصوت عالي لصحابتها مشاورة عليا وقالت هذى والله بتكون زوجة ولدي مش عارفه سلطان ولا بدر وكأني كاتبة على ظهري موافقة. المهم قولت لها يا حاجة بابا ميرضاش قالت لي (وي) وايش عليكي أنت في دار وهى في دار وأبشرك عنده مسبحين قولتالها الله يوفقه ويعوم فيهم هوومراته؟؟ ؟؟؟؟؟؟؟دي واحدة من الصدمات ألي بنشوفها كل يوم
. .
الحالة التالتة والمستحيلة
والمستحيلة طبعا إنك تاخدى واحد جنسية غريبة مهاجر زايك وإنتي وحظك بقى هندي كوري ليبي .مرة حصلت لي صدمة وجالي واحد زنجي وطبعا قفلنا على الموضوع خوفا من الفضائح المهم ظهر إن عنده عقدة البياض وعايز يحسن النسل.
ولا الفلسطيني الي عايز يجوز علشان ينزل مصر ماهو كل واحد سبب و مش لاقي وبياخد أي حاجة.
وختمت بواحد فرنساوي المهم الراجل طيب وأمور لكن أنا معرفش غير كلمة (وى(،(مامو) وقلتلهم هتفاهم معه إزاى قالولي ده شكله يتحب والحب لغته العيون؟؟؟؟؟؟؟؟؟؟؟؟؟؟
مفيـــــــــش فايدة
المشكلة بقى إن أبناء المغتربين لا ينفع يتجوزوا هنا ولا هناك . . هو شهر في الصيف مع الأقارب وأسبوع في العيد ومحدش يعرف حد .. أفتكر مرة شافني واحد بالشارع بمصر وكنت وقتها رايحة لصحبتي مشي ورايا لبيت صحبتي وفي النهاية انتهت بخطوبتها ولله الحمد ( أكيد ميعرفش بيت مين
. .
..!!! #
كمااااااااااااااان الأولاد
وطبعا مش البنات بس الي مظلومة الشباب كمان . مشكلتهم بقى الكبرى أنهم جايين لوحدهم من غير عائلتهم وبيكافحوا الله يكون في عونهم ومعظمهم عايز واحدة من هنا ..
المشكلة ميعرفوش حد عشان الأرتباط . . ماهو هنا مفيش اختلاط وفي السعودية تحديدا ولو شاف واحدة في الشارع وسألها مخطوبة ولا لأ ونيته خير يعنى تبقى فضيحته بجلاجل ومش بعيد يتسجن فيها .
مافيش إلا إنهم يدوروا على حد متجوز ويقسموا صحبات مراته على بعض
مهما كانت ظروفهم المختلفة ..
وأفتكر في واحد له سنه بيلف على واحدة ومش لاقي
ومن شهر لاقى واحدة صحبتي لكن أهلها قالوا له
أستني أصل عندنا ضيوف جاين يعملوا عمرة وخايفين من عينهم متتقدمش دلوقتى، المهم الضيوف قرروا يكملوا للحج ولله الحمد
في الأخر بعتوه لواحدة تانية طلع عندهم عزا قالوا له تعالى خد ثواب وعزيهم وأبوها هيشوف شكلك ويحكم بعدين
الطريقة التانية
إنهم يقضوا الأجازة السنوية مع لستة العرايس الى مجهزاها الأمهات ولضيق الوقت ممكن يشوف تلاتة في اليوم مش مشكلة المهم يرجع وفي ايده دبله
ويكملوها شاتينج . .وياريته بيرجع يالدبلة دة راجع ودموعة على خده وامه تقوله معلش ياابني يمكن تلاقيها قعده جنبك في الطيارة
. . .
وهكذااا من المواقف المحبطة........وفي النهاية كل واحد مابيخدش الى بيحلم بها
وطبعا أنا كل ده بتكلم على فترة الخطوبة أما الجواز بقى فالحمد لله بينتهى في السفارة والمحاكم ؟؟؟؟؟؟؟؟؟؟؟؟ويا وياقلبي لا تحزن. .
بعد إذنكم .. هاروح أجهزأصلي بعد المغرب هقابل العريس اللي جاي من جزر القمر.!!!!!. | |
|
