((((( **** Awlad EL_NiLe ***** )))))
(((((((((( ********** اهلا بك زائرنا الكريم في موقع أولاد النيل- نتمني لك حسن الإقامة والإستفادة والإستمتاع معنا في عالم اولاد النيل_ رجاء التسجيل للمشاركة وا لتحميل والإستمتاع معنا في عالم اولاد النيــل ********** ))))))))))
((((( **** Awlad EL_NiLe ***** )))))
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

((((( **** Awlad EL_NiLe ***** )))))

(نحن أبناء حضارة سبعة ألاف عام...نحن أصحاب الفرعون..لا..بل نحن الفراعنـة)
 
الرئيسيةفديو شاتأخبار مصــرالبث المباشر للإذاعة المصريةأحدث الصورالقرآن الكـريمدار الإفتاء المصريةزعيم الأمة-جمال عبدالناصرموسوعة تاريخ مصـــرأنور السادات-بطل الحرب والسلامعالم الرياضةراديو النيلالتسجيلدخول

 

 كلب الست

اذهب الى الأسفل 
2 مشترك
كاتب الموضوعرسالة
shoshomath
مشرفة قسم المرأة
مشرفة قسم المرأة
shoshomath


عدد المساهمات : 296
تاريخ التسجيل : 06/05/2010
العمر : 36

كلب الست Empty
مُساهمةموضوع: كلب الست   كلب الست Icon_minitimeالأربعاء مايو 12, 2010 12:57 am

وهي تحكي قصة حدثت في مصر في الستينات تجري احداثها في منطقة الزمالك المطلة على النيل حيث كان قصر الست والذي هي الست أم كلثوم طبعاااا ...التي لم يكن لها أولاد وكانت تربي كلب من نوع الفوكس الرومي وعندما مر اسماعيل الملقب بعم سمعه وهو واد غلبان جدااا امام منزلها فعضه كلب الفوكس ولانه كلبها انضرب اسماعيل وقضى اكثر من اسبوع في قسم الشرطة وكان هو المتهم ...


في الزمالك من سنين، وف حمى النيل العظيم، قصرمن عصر اليمين، ملك وحده م الحريم ،

صيتها اعلى م الآذان ، يسمعوه المسلمين والتتر والتركمان ، والهنود والمنبوذين

ست فاقت ع الرجال في المقام والاحترام

صيت وشهره وتل مال ، يعني في غايه التمام،

قصره يعني... هيه كلمه، ليها كلمه ف الحكومه ( قصره : اختصاره )

بس ربك لجل حكمه قام حرمها م الامومه

والامومه طبع ثابت جوا حواء من زمان

تعمل ايه الست جابت فوكس رومي وله وذان

الفوكس ده عقبال أملتك عنده دسته خدامين

يعني مش موجود في عيلتك حد زيوه ياسماعين ( اسماعين = إسماعيل باللهجة البدوية)
هژںه¸–هœ°ه‌€: منتدى نور الدنيـا [عزيزي الزائر يتبقى لديك خطوة واحدة لتتمتع بجميع خواص المنتدى . ]

واسماعين دا يبقى واحد م الجماعه التعبانين

اللي داخو في المعاهد والمدارس من سنين

حب يعمل واد فكاكه ويمشي حبه في الزمالك ( فكاكه : ذكي )

والقيامه والفتاكه يرموا طبعا ع المهالك

عم صمعه من قيامته حب يعمل فيها فله ( صمعه اختصار لاسماعيل )

بعد ما الوظ بيجامته اشترى حته مجله

قول مشى يقرا ف حكايه من حكايات الغرام

واندماجه في القرايه خلا مشيه مش تمام

ع اليمين يحدف بعيد خطوتين ويروح شمال

لمحه الفوكس من الحديد قال دا صيد سهل وحلال

هوب نط في كرشه دوغري جاب بجامته لحد ديلها

اسماعيل بدال مايجري قال يارجلي رجلي مالها

بص شاف الدم سايح من عاليها ومن واطيها

وياللي جاي وياللي رايح المجله مش لاقيها

حبه واتلموا الظنايا اللي هما البوابين ( حبه : لحظه )

والحكايه والروايه قالهم دا كلب مين

كلب مين ماكلب مينشي صمعه لبخ حبتين ( لبخ : غلط في الكلام )

قال له واحد منهم امشي الي جابك عنده مين

قال دا شارع يامواشي والجميع بيمر منه

اللي راكب واللي ماشي مستحيل نستغنى عنه

كلمه من دا وكلمه من دا ظاطو واترسمت فضيحه

قول نهايته والقصد من ده اسماعين اكل الطريحه

راحوا قسم الشرطه طبعا والنيابه كفيله بيهم

واترموا في الحجز جمعه لما ييجي الدور عليهم (جمعة = إسبوع)

حبه والشاويش امين قال سعيد النقشبندي

قام غريم عم اسماعين قاله محسوبك يافندي

قام سي صمعه يروح معاه الشاويش قال غور بدمك

وفوق قفاه كف طرقــع ... وقاله روح داهيه ف امك

تفتكر يفضل سي صمعه قد ايه في القسم نايم

استضافه الحجز جمعه يابلاش آدي العزايم

شاف بلاوي ماتتحكيش م الذيابه المسجونين

قال ياعالم ياشاويش يانيابه يامسؤوليين

خلصوه بعد المناهده جثه من جحر الديابه ( المناهده : المراضاة )

هيه يمكن ساعه واحده كان في مكتب النيابه
هژںه¸–هœ°ه‌€: منتدى نور الدنيـا [عزيزي الزائر يتبقى لديك خطوة واحدة لتتمتع بجميع خواص المنتدى . ]

قاله مالك ياسماعين.. قاله زي البمب مالي
هژںه¸–هœ°ه‌€: منتدى نور الدنيـا [عزيزي الزائر يتبقى لديك خطوة واحدة لتتمتع بجميع خواص المنتدى . ]

قاله عضك الفوكس فين قاله سيبني اروح لحالي

انت شوف سي فوكس يمكن خد تسمم غصب عني

الوكيل قال برضه ممكن والشاويش قعد يغني

انت فين والكلب فين.... انت قده يااسماعين

طب دا كلب الست يابني.... وانت تطلع ابن مين

بشرى لصحاب الديول واللي له اربع رجول ( المقصود الكلاب)

بشرى لأسيادنا البهايم من جمايس او عجول

اللي صاحبه ياجماعه له غناوي في الاذاعه ( المقصود زي الست )

راح يدوس فوق الغلابه والنيابه بالتباعه

انت تسوى في النيابه تسعميه م الغلابه

طب ياريت يافوكس كنا ولا تربطنا القرابه

هيص ياكلب الست هيص لك مقامك في البوليس

بكره تتولف وزاره وللكلاب ياخدوك رئيس
الرجوع الى أعلى الصفحة اذهب الى الأسفل
ابوالليف
مشرف القسم السياسي
مشرف القسم السياسي
ابوالليف


عدد المساهمات : 366
تاريخ التسجيل : 25/04/2010
العمر : 44

كلب الست Empty
مُساهمةموضوع: رد: كلب الست   كلب الست Icon_minitimeالخميس مايو 13, 2010 8:26 pm



كلب الست 35
الرجوع الى أعلى الصفحة اذهب الى الأسفل
 
كلب الست
الرجوع الى أعلى الصفحة 
صفحة 1 من اصل 1
 مواضيع مماثلة
-
» مسرحية لعبة الست لمحمد صبحي
» دولة الحركات. حركة " مس كفاية " وحركة "الست كفاية " وحركة "مش كفاية "

صلاحيات هذا المنتدى:لاتستطيع الرد على المواضيع في هذا المنتدى
((((( **** Awlad EL_NiLe ***** ))))) :: الدخــــول لعــالم أولاد النيــــل :: دنيــــا الشعر-
انتقل الى: