قصيدة " ديمولوخية " للشاعرة ايمان بكرى

سألت جارتنا أم بهية
جوزها العامل فى البلدية
ما تقوللى يا لفندى يا جوزى
معنى الكلام الأراجوزى
اللى قالوه فى التلا فز يون
ديمراقراطية .. ديرنقاطية
كلمة ما تيجى يوم على بال
واحلف دى شتمة يا عبد العال
قام قالها السيد جوزها
وهى بتمط فى بوزها
ما تبطلوا جهل يا جدعان
ديموقراطية يا بهية
ما تفهمى بقى يا ولية
ديمقراطية .. ديمقراطى
خصم الكباب عند الحاتى
واتعشى على كيلو حراتى
وانا أبوس فى أورطاس طعمية
ديمقراطية ومقرية
فى صحف جرايد مطوية
بتقول نعم بكرة وبعده
ولحد ألفين سنة جاية
ديمقراطية دى لعبتنا
عملوها جدعان حتتنا
عشان ما تحلو صورتنا
ويصدقوا إن عيشتنا
عايمة فى بحور العسلية
ديموقراطية تدلعها
وساعات كتير نلوى دراعها
بس اشترى يوم عتقية
ديموقراطية .. ديموقراطرط
وكلام كتير وبقى مراطرط
والكل مبسوط ومسأطط
ببرباطوسه اللى مناأط
من كدبه بقى ماشى يساأط
على باب حارتنا المنسية
ديموقراطية اتكلم قول
تحيا البقول ويعيش الفول
رزق المدهول على المسطول
والعيشة حلوة مسلية
ديموقراطية و موش هية
بس الشبه عشرة المية
تسعة عشان العالمية
احد لمون بالملوخية
ما تسكتى بقة يا ولية
فى داهية روحى انت وهية
دى عشان تفوت الوردية

يموت غفير عشرين ميه
وأعيش خروف من غير لية
وأموت قتيل وما ليش ديه

ba7ayeky 3la e5tyarek le eman bakry l2nha bgad gamda
w kman e5tyarek raw3aaaaaaaaaaaaaaa
merciiiii 3al mawdo3 el gamed da

» قصيدة "نهج البردة " للإمام البوصيري
» قصيدة سلوا قلبي ....لأمير الشعراء " كاملة
» قصيدة ديك دا تور
» المسرحية الكوميدية"مدرسة المشاغبين"
» قصيدة ( لعيـــــــونك )