د/حازم امام مديرعام الموقع
عدد المساهمات : 469 تاريخ التسجيل : 25/04/2010 العمر : 47 الموقع : الكويت
| موضوع: حزب الصامتين الجمعة مايو 28, 2010 3:13 pm | |
|
حزب الصامتين إنزل الشارع...إجلس على أىمقهى..اركب اى وسيلة مواصلات ..راقب كلام اسرتك فى البيت ...احاديث زملائك فى الشغل....كم واحد حولك بيتكلم فى السياسة؟؟؟
كلنا نفعل...نراقب ونناقش ونحلل ..ولدى كل واحد مننا وجهة نظر عن حسن نصر الله وأمريكا .. عن سعر البنزين وتذكرة القطر أو الميترو والإخوان المسلمين..وحبس الصحفيين وحرب لبنان...
أدحاديت نتعاطاها يوميا ...نقتسمها مع اكواب الشاى وسندوتشات الفول والطعمية ....إذن كلنا نمارس السياسة ..لكن بالكلام ..بالثرثرة..فهل لديك بطاقة إنتخابية؟؟؟!! وإذا كان لديك هل شاركت فى الإنتخابات؟؟؟!!
تقولى... يا بني خلى الطابق مستور دول بينجحوا اللى همه عاوزينوا... اقولك اه صحيح بس ليه تسبلهم صوتك يلعبوا بيه ..ليه مترحش وتنتخب اللى انت عاوزه .. يزورو ميزوروش دى قضية أخرى..المهم أن ترضى ضميرك .. وتشارك وتترك النتائج على الله....
انت عارف انتخابات رئاسة الجمهورية اللى فاتت دى .. عارف نسبة المشاركين فى التصويت قد ايه...طبعا مش عارف لأن الموضوع كلو مش فى دماغك...
بس انا حقولك ..نسبة المشاركين فى التصويت بلغت 23% من المقيد أسماؤهم فى جداول من يحق لهم قانونا الإدلاء باصواتهم... لأ..ده فيه اللى يحرق الدم اكتر من كده... عارف نسبة المشاركة فى كل الانتخابات والاستفتاءات على مدى العشرين سنة الماضية كام.... تصدق انه 20% ...ده ايه مع ملاحظة ان عمر التجربة الحزبية فى مصر تجاوز المائة عام...
طب ليه يا جماعة منشاركش...عارفين انه فيه كوسة .. وزفت زهباب ... لكن الشىء اللى مش حنختلف عليه انا وانت ان القضاء بتاعنا نزيه... قووووول وانتخب .. يعنى انت استفدت ايه اصلا لما مرحتش ... دى كحاجة بسيطة كده لكن المشكلة الاكبر أن كتير اوووووى مننا دلوقت مش بيحب بيتكلم فى السياسة ..علشان خايف من اخواننا البعدة ... والمشكلة انه مش بيتكلم وبس ..لأ ده قاطع كمان كل ثقافة ليها علاقة بالسياسة ... فلا يعرف مثلا اتفاقية كامب ديقيد المهببة دى واللى شلت حركة مصر ...ويمكن كمان يقولك كمان بوش ده رئيس الاتحاد السوفيتى...اه معلش اصله كمان مش عارف ان الاتحاد السوفيتى اتهبب وسقط ... وبعدين اغلبنا ان لم يكن كلنا طبعا لما بنشترى جرنال اللى بيتابع الرياضة واللى جايب صفحة التليفزيون علشان يشوف فى فيلم ايه فى السهرة ..واللى غاوى صفحة اخبار الحوادث... ويطنش صفحة السياسة ...يا جماعة لازم نفوق مش كده..السياسة داخلة فى كل حاجة ..مهو البنزين غلى ...تفتكر ليه؟؟ والمواصلات حتغلى تفتكر ليه؟؟.... اقف مع نفسك بقه وقفة صدق واسئل نفسك طب واخرتها ايه؟؟؟
| |
|
رحمة مشرفة قسم الأطفال
عدد المساهمات : 234 تاريخ التسجيل : 25/04/2010
| موضوع: رد: حزب الصامتين الخميس يونيو 24, 2010 8:52 pm | |
|
حزب الصامتين له الحق أن يحكم مصر فله شعبية طاغية
حيث أن عدد أعضاؤه يصل إلي 89 مليون مواطن مصري
معتقدش ان فيه حزب في تاريخ مصر حقق أو هيحقق الرقم الرهيب ده من الاعضاء
يارب نشوفه بقي علي رأس الحكم ..........
وعجبي
| |
|
ابوالليف مشرف القسم السياسي
عدد المساهمات : 366 تاريخ التسجيل : 25/04/2010 العمر : 44
| موضوع: رد: حزب الصامتين الأربعاء يونيو 30, 2010 4:25 pm | |
|
تعرف ان ده فعلا اول حزب فى مصر بيطبق مبدا واحد بس بس اللى هو: (اذا كان الكلام من فضة يبقى السكوت من ذهب) واجتماعاته كلها يوم الجمعة وساعة الصلاة. عجبىىىىىىىىىىىى
| |
|